सरकारले लकडाउन 10 दिन थप्ने निर्णय गरेको छ !!। आइतबारको मन्त्रीपरिषद् बैठकले वैशाख 15 गतेसम्मको लकडाउन अब वैशाख 25 गतेसम्म जारी राख्ने निर्णय गरेको सरकारका प्रवक्ता एवं अर्थ, सञ्चार तथा सूचनाप्रविधि मन्त्री युवराज खतिवडाले जानकारी दिए !!!!!
'मुलुकभर Covid- 19 संक्रमण जोखिम न्यूनिकरण गर्न हामीले चालेको लकडाउनको अवधि आगामी वैशाख 25 गते बिहीबार मध्यरातिसम्मका लागि बढाइएको छ' मन्त्री खतिवडाले भने । नेपालमा Covid- 19 संक्रमितको संख्या 52 पुगेको र नयाँ Covid- 19 संक्रमण देखिइरहेकाले जोखिममुक्त नभएको निष्कर्ष निकाल्दै सरकारले लकडाउन थप्ने निर्णय गरेको हो ।
यस्तै बैठकले बाह्य जगत्बाट Covid- 19 संक्रमण नहोस् भन्नका लागि अन्तर्राष्ट्रिय सीमानाकाहरुमा आवागमन स्थगन गर्ने निर्णयलाई वैशाख 31 गते बुधबार मध्यरातिसम्म बढाउने निर्णय गरेको मन्त्री खतिवडाले जानकारी दिए ।
Covid- 19 संक्रमणको जोखिम देखिएपछि सरकारले चैत 11 गतेबाट लकडाउन सुरु गरेको थियो । पछिल्लोपटक सरकारले वैशाख 3 गते 12 दिनको लकडाउन थपेको थियो । सरकारले यसअघि नै जेठ 2 गतेसम्मलाई हवाई उडानमा प्रतिबन्ध लगाइसकेको छ ।
Covid- 19 नियन्त्रण तथा रोकथाम उच्चस्तरीय समन्वय समिति अन्तर्गतको मुख्यसचिव नेतृत्वको कार्यदलले सरकारलाई एक हप्ता लकडाउन थप गर्न सिफारिस गरेको थियो ।
No comments:
Post a Comment